क्यानडाको ‘उत्कृष्ट आप्रवासी अवार्ड’ को सूचीमा इन्द्र महर्जन, भोटिङ लाइन खुला
क्यानडाको ‘उत्कृष्ट आप्रवासी अवार्ड’ का लागि सार्वजनिक गरिएको प्रारम्भिक छनोट सूचीमा एक जना नेपालीभाषी परेका छन्।
एक दशकभन्दा बढी समयदेखि वर्षेनी दिइँदै आएको अवार्डका लागि नेपालका इन्द्र महर्जन ‘उत्कृष्ट ७५ आप्रवासी’ को सूचीमा परेका हुन् ।
उक्त सूचीमा परेकामध्ये सबैभन्दा बढी भोट ल्याउने ‘उत्कृष्ट २५’ मा छानिन्छन् र विजेता घोषित गरिन्छ।
क्यानडाको ब्राम्प्टनमा बस्दै आएका महर्जन पिउने पानी, ढल व्यवस्थापनलगायत क्षेत्रमा काम गर्दै आएका छन्।
‘क्यानेडीयन इमिग्रयान्ट’ नामक म्यागजिनले आप्रवासीलाई प्रोत्साहन गर्ने उद्देश्यले १३ वर्षदेखि यो अवार्ड प्रतिस्पर्धा सञ्चालन गर्दै आएको छ। उनीसहित मनोनयनमा परेकाहरुबारे अवार्ड आयोजक संस्थाले संक्षिप्त जानकारी पनि प्रकाशित गरेको छ।
