नवलपरासी क्षेत्रमा गैँडा मारेको विषयमा स्थलगत अध्ययन सुरु

नवलपुर । राष्ट्रिय निकुञ्ज तथा वन्यजन्तु संरक्षण विभागले चितवन राष्ट्रिय निकुञ्जको नवलपरासी क्षेत्रमा गैँडा मारेको विषयमा स्थलगत अध्ययन सुरु गरेको छ । 

निकुञ्जभित्र चोरीसिकारीले करेन्ट लगाएर गैँडा मारेको विषयमा अध्ययन गर्न गठित छानबिन समितिको टोलीले स्थलगत अध्ययन सुरु गरेको हो । 

६ सदस्यीय टोलीले संरक्षणसँग सम्बन्धित सरोकारवाला, घटनास्थल,  स्थानीय बासिन्दासँग पनि छलफल गरेको छ । अध्ययन टोलीले घटनाको विषयलाई लिएर सातवटा समूहगत छलफल गरेको छ । 

घटना स्थलका स्थानीय, त्यस क्षेत्रका नेपाल प्रहरी, सुरक्षार्थ सेना, अन्य समुदायसँग घटनाको विषयमा केन्द्रित रहेर अध्ययन गरिएको टोलीले बताएको छ ।