नेकपा एसको निर्णय– जसपासहित सबै वामपन्थी दलबीच एकताको पहल गर्ने

काठमाडौं । नेकपा एकीकृत समाजवादीले जनता समाजवादी पार्टी नेपाल सहित सबै वामपन्थी दलबीच एकताका लागि पहल गर्ने निर्णय गरेको छ । 

आज सकिएको नेकपा एसको पोलिट्ब्युरो बैठकले जसपासहित सबै वामपन्थी दलहरूबीच एकताका लागि पहल गर्ने निर्णय गरेको उपमहासचिव तथा प्रचार विभाग प्रमुख जगन्नाथ खतिवडाले जानकारी दिनुभयो । 

प्रचार विभाग प्रमुख खतिवडाले आफूहरू वामपन्थी एकताका लागि खुला रहेको पनि बताउनुभयो । बैठकले वामपन्थी एकताका लागि पहल गर्न आवश्यक निर्णय र गृहकार्य गर्ने जिम्मा सचिवालयलाई दिएको खतिवडाले बताउनुभयो ।